آرنچی
افسانه عمرم آورد خواب .....
تبریز...آذربایجان ..... شهریار
بایرام اولوب ،قیزیل پالچیق ازللر
ناقیش ووروب ،اتاقلاری بزللر
طاخچالارا دوزمه لری دوزللر
قیز – گلینن فندقچاسی ، حناسی،
هوسلنه ر آناسی، قاینا ناسی
باکی چنین سوزی،سووی ، کاغذی،
اینکلرین بولاماسی ، آغزی
چرشنبه نین گردکانی، مویزی،
قیزلار دییه ر:آتیل باتیل چرشنبه،
آینا تکین بختیم آچیل چرشنبه
یومورتانی گویچک ،گلی بویاردیق
چاقیشدریب،سینانلارین سویاردیق
اویناماقدان بیرجه مگر دویاردیق؟
علی منه یاشیل آشیل آشیق وئرردی
ارضا منه نوروز گلی درردی
